قال  الدكتور " فريد شوقى " عضو منظمة العفو الدولية  

تعيش الاوساط الرياضية المصرية واقعة غريبة نتيجة الفساد الاداري في الاتحادات الرياضية أحمد فؤاد بغدودة والذي تعرض لانتهاكات صارخة، وسوء معاملة من قبل الاتحاد المصري للمصارعة

رغم تفوقه الرياضي وحصوله على ميداليات عالمية، وتبين أن البطل الرياضي لم يكن يجد قوت يومه عوضا عن ما يستحقه من رفاهية واجبة تقديرا لجهوده وإبداعاته

ورغم تخمة الوزارة والاتحاد بالأموال والتي نرى أثرها في الرفاهية والبغددة الظاهرة على كبار مسؤولي الاتحاد والوزارة والأندية وتحصلهم على مرتبات رغم الفشل الإداري وسوء التخطيط وانعدام الكفاءة

قصة  محمد فؤاد احد ضحايا الاتحاد المصرى للمصارعة 

 أستاذ فؤاد والد اللاعب الهارب محمد فؤاد هل أنت متعرفش إن أبنك في فرنسا ؟

 والله انا معرفش ايه اللي حصل بس انا داخل ارد على نقطتين قالهم السكرتير العام بتاع الأتحاد المصري للمصارعه اللي بيقول إن أبني بياخد 7000 جنية والله انا أبني بقاله 12 سنه مخدش جنية

ومن شهرين بس خد 2200 جنية من الأتحاد وكان المفروض يقبض من سنة وليه 16 ألف جنية لما راح يقبضهم خصموله منهم 14 ألف و800 جنية ضرايب والوصولات معايا حضرتك 

أمال هو كان بيصرف منين مدة ال 12 سنة ؟

أنا اللي كنت بصرف عليه هو وأخواته انا شغال على توك توك عشان اصرف عليهم وعشان أخلي أبني بطل يشرف مصر جبلها 8 مرات بطولة أفريقيا ودلوقتي يطلعوا يقولوا عليه هربان

أنا أبني بطـل وأنا غلبان مكنتش عارف أجبله جزمة حتى يروح بيها البطولة كان مستلفها من صحابه وفي الأخر بيفتروا عليه أنا أبني كان بيتعرض لضغوطات

ميتحاملهاش بشر بيتعامل من المدرب أوحش معاملة وكان مصاب وقت البطولة ورجله ورمت بعد الماتش وكان تعبان ده أنا كنت بحوش من قوتي وقوت عيالي عشان أصرف عليه

عشان أعمل بطل لمصر ويلده وفي الأخر يتقال عليه كده.. حسبي الله ونعم الوكيل مسؤولي الاتحاد

إن الاتحاد المصرى للمصارعة مارسوا أساليب توضح انعدام الثقة في الأبطال وتثير الغضب ومنها سحب واحتجاز جوازات السفر رغم الحقوق الدستورية القاطعة بحق كل مواطن في السفر والانتقال

بل والهجرة لو أراد ذلك، وكل هذه الأفعال بدلا من خلق الحلول لتنمية المهارات وجذب الشباب وخلق الكفاءات ورعاية الأبطال

فساد إداري وسوء تخطيط وارتكاب جرائم المحاباة وانعدام العدالة في توزيع المرتبات والإمتيازات بما تسبب في عزوف الأبطال عن تمثيل الرياضة المصرية ولجوئهم لدول أخرى

اطالب باتخاذ الاجراءات واقتراح القوانين لاعفاء أبطال الرياضات الفردية (والغير جماهيرية) من الضرائب والاستقطاعات أيا كانت، مع عزل رئيس الإتحاد المصري للمصارعة وكل من يثبت تقاعسه عن النهوض بالمنظومة الرياضية