علّق الدكتور فريد شوقي المنزلاوي، أحد القيادات المجتمعية البارزة، على تصريحات الرئيس عبد الفتاح السيسي بشأن ضرورة تدقيق الانتخابات وإلغاء أي دائرة شُوّهت فيها الإرادة الشعبية، واصفاً هذا القرار في بيان رسمي له بأنه "زلزال سياسي" ضد أي محاولة لسرقة صوت المصريين.

جاء نص بيان الدكتور فريد شوقي كالتالي:

"ما قاله الرئيس السيسي النهاردة مش مجرد بيان… ده زلزال سياسي هزّ كل محاولة لسرقة إرادة المصريين. الرئيس خرج وقالها بصوت واضح وحاسم: 'إرادة الناس مش لعبة… واللي لعب هيتحاسب.'

الشارع كان بيغلي… ولما الصوت اتخنق جوّا الصدور… الرئيس سمعه.

وطلب بنفسه من الهيئة الوطنية للانتخابات: تدقيق كامل، كشف الحقيقة كاملة، إعلان كل المخالفات، إلغاء أي دائرة اتشوّهت فيها إرادة الشعب.

وده معناه إن الباب مفتوح قدام أقوى خطوة: إعادة الانتخابات في الدوائر اللي اتخطف فيها الحق. إحنا مش بنطلب معجزة… إحنا بنطلب العدل. والعدل عمره ما يخاف… اللي بيخاف هو التزوير.

رسالة أمل… من القلب: متسيبوش اليأس يمتلككم… طول ما في نفس داخل صدورنا… فيه أمل. وده أملنا في الله… وثقتنا إن الحق لازم ينتصر مهما طال الوقت.

تحيا مصر… وتحيا إرادتها الحرة."

د. فريد شوقي المنزلاوي

أكد الدكتور شوقي في بيانه أن قرار الرئيس السيسي يمثل استجابة لصوت الشارع، ويفتح الباب أمام إعادة الانتخابات في الدوائر التي شهدت مخالفات. وشدد على أن الحق لا يسقط بالتقادم، داعياً الشعب المصري إلى رفع الرأس ومواجهة الإحباط، لأن "صوتكم اتسمع… واتسجل… واتحط على مكتب الرئيس نفسه".