بمناسبة الاحتفال بذكرى تحرير سيناء، نشر الدكتور فريد شوقي رسالة وطنية أكد فيها على قيمة هذا اليوم في تاريخ الأمة المصرية، مشدداً على أن استعادة الأرض كانت ملحمة وطنية جمعت بين البطولة العسكرية والحكمة السياسية.

وجاء نص ما كتبه الدكتور فريد شوقي كالتالي:

"مش مجرد يوم… ده يوم بنفكر فيه نفسنا… إن مصر لما بتقرر… بتنتصر. سيناء… مش أرض وخلاص… دي أرض اتباركت من فوق سبع سماوات… هنا كلم الله سيدنا موسى… وهنا اتكتب تاريخ بالإيمان… وبالدم. ناس ضحت… ورجالة وقفت… وجيش قال كلمته… “هنرجعها”… ورجعت.

لكن الحقيقة اللي لازم تتقال… إن النصر ما كانش بس بالسلاح… كان كمان بالحكمة… بالصبر… وبالقيادة السياسية الواعية اللي عرفت إمتى تحارب… وإمتى تتفاوض… وإزاي تقعد على مائدة المفاوضات وترجع الأرض كاملة… باعتراف دولي… يحفظ حق مصر وكرامتها.

مفيش وطن بيتبني بالكلام… الوطن بيتبني بتضحيات… وبإرادة شعب عمره ما استسلم… وبقيادة عرفت تحوّل النصر العسكري لنصر سياسي مكتمل الأركان. اللي اتاخد بالقوة… رجع بإيمان… ورجع برجالة… ورجع لأن ورا البلد دي… شعب ما بيتكسرش!

النهارده مش بس بنحتفل… النهارده بنفتكر… ونتعلم… إن قوة مصر مش بس في سلاحها… لكن في عقلها… وإرادتها… ووحدة شعبها. تحيا مصر.. قوية… عزيزة… مرفوعة الرأس بشعبها… وجيشها… وقيادتها الحكيمة".

وتفاعل عدد كبير من المتابعين مع كلمات الدكتور، مؤكدين أنها عبّرت بصدق عن مشاعرهم تجاه هذه المناسبة الوطنية، لما تحمله من معانٍ عميقة تتجاوز حدود الاحتفال إلى استحضار قيم التضحية والانتماء.